Lyrics has been copied to clipboard!
Phuoktu: Lalremsiem
1. Ka Chûn le ka Zuo, mi hmangaitu hai,
An hmangaina inthûkzie hi ka lo dâwn ngai naw;
Saisên ka ni laia inthawk ta khan,
Hmangaina tâwpkhâwkin an mi lo hmangai tah.
2. Khawvêl ena chun iengmalo in nih,
Thiemna, varna le insângna nei naw inla khawm;
Ka ta ding chun in va hang ropui ngei!
Hring khawvêlah an um naw hieng ang hmangaitu.
Aw ka Nu ka Pa, in lo va hlu ngei de!
Ka ta dinga in țawngțaina rîhai,
Ka nâa hin a la châm zing hlak;
Ka thlamuongna in nih,
Aw ka Nu ka Pa, in lo va hlu ngei!
3. Thiem ka hung inzir ve theina dingin,
A sûr a sa hnuoia ka ta dinga in lo tuorna;
Mêlza kârdana in țawngțaina rîhai,
In hmangaina râwl ri nghil ni um thei naw nih.
Aw ka Nu ka Pa, ka hmangai cheu,
Ditsakna vochuom ka'n hlân cheu;
Siemtu Chung Pathienin vêngin țhuoi pei raw se cheu.
4. Isu ke bulah mi țhuoi lût tu le,
Lalpa le sûngkuo khatah mi siemtu in lo nih;
Hun le ni hai inher liem pei sienkhawm,
Ka Nu ka Pa nghil ni um thei di'n ka ring nawh.
Saktu: Jeneth L Varte
