Lyrics has been copied to clipboard!
Rev. Ruolneisang Hrangchal
1. Hi khawvela hin rosum neia chên an tam ngei
Sienkhawm Krista ṭhanglo chun lawmna hlun reng a um nawh;
Beidawngna le lungngaina chau an chang nawk hlak si
Krista neitu hai chun chatuon lawmna an chang hlak
Harsatna, rinumna ka tuok hai hin,
Ka Lal Krista hmêlmawi an suklang zuol hlak
Khawvel ropuina, mawina, rosum, rangkachak nêk in,
Ka thlang lem ka Lal Isu hadamna mi pe tu
Lal Isu ka rochan hlu ka hlimna a nih.
2. Khawvel ropuina,mawina,hausakna hnawttu hai chun
Chintâwk reng neitheilovin beidawngna an sîk nawk hlak
Lalpa ringtu hai ruok chun harsatna hmun a khawm
Hlimna, lawmna,lungawina kim chu an chang zing hlak.
3. Harsatna tinrengin an mi hung tuom vel lai khawmin
Lawmtaka min umtirtu ka Lal Krista ani si
Iengdang nêkin Krista a ka sandamna ropui hi
Chatuon chen a ka lawmna ding rohlutak a nih.
4. Thlêmna thlipui hung hrangin tuifawn ang mi nuoi sienkhawm
Krista chu ka lungpui nghet ka hratna le phaw a nih
Ka mamaw tinreng hre in malsawmna a mi pêk
A hming inpâka chawimawi in zui pei tang ka tih.
