KAN LENGNA ZOTLANGPUI

Lyrics has been copied to clipboard!

By L. Keivom

Kan lengna zotlangpui dum dur,
Zo kai thlifim lengna;
Ka thlir tlang tin an mawi ie,
Lunglai tui ang a dam.

Kan lengna zotlangpui dum dur
Par mawi thang tin an vulna;
Khuona zarin hung par vul la,
I hming lawi ang thang sien.


Thalah romeiin a bawm chiei,
Thing tin hna nem an vul;
Lentu karah ram-va lengin,
Hlimlai nunkhuo an pham.

Thal favangah thlirin a mawi,
Kan sawmfang kur deldel;
Rengchal, uleu zai tin vawrin,
Virthli a hrang del del.

Kan lengna zotlangpui dum dur,
Sawkhei par tin vulna;
Khuonu zarin hung par vul la,
I hming hung mawi raw se.